«Mihail Çakir — halkımızın aslı aydınnadıcısı»
Gagauz dilinin hem yazısının ayında, gimnaziyamızda klasların üürenicilerinä deyni açıklandı çok önemli bir tema — büük aydınnadıcımızın Mihail Çakirin yaşaması hem onun işleri.Bu uroklar geçti meraklı hem ruhlu, çocukların üreklerindä iz braktı.
Klas saadında bu işlerä bakıldı:
1. MihailÇakirin izi.
Üürenicilärä annadıldı, nicä Mihail Çakir bütün ömürünü harcadı ona, ki gagauz halkı okumuş olsun hem kendi dilini unutmasın. O, ilkin kiyatları gagauz dilindä basmaa başladı, dinnedik onun pedagogika hem din işleri için.
2. Yazımızın istoriyası
Çocuklar gördülär, nicä vakıtlan diişildi bizim yazımız. Biz lafettik ondan:
• Nicä Mihail Çakir ilkin kiyatları hazırladı;
• Nekadar önemli bugün bizim için latin grafikası;
• Neçi lääzım dooru yazmaa hem korumaa dilimizi.
3. Ana Dilimiz — bizim zenginniimiz
Uşaklar aktiv pay aldılar: kiyatlardan parçalar okudular, Mihail Çakirin aforizmalarını annattılar. Hepsi bütündän annadılar, ki dil — o halkın canı. Eer biz lafetmesäk ana dilimizdä, biz o canı kaybedeciz.
Bu klas saadı bitti bir soruşlan: «Biz ne yapabileriz dilimiz için?» Üürenicilär söz verdilär taa çok okumaa gagauzça hem evdä ana-bobalarınnan lafetmää kendi dilimizdä.
Mihail Çakirin mirasından üüreneräk, biz ilerleeriz üüsek gelecää!
Больше фото и видео на нашем сайте в Фэйсбуке
👆
