В рамках Программы расширения сферы применения гагаузского языка в ПУ гимназии с. Верхний Конгазчик состоялась встреча с гагаузским поэтом Василием Филиоглу.
Publika Kurumu gimnaziya k. Yukarkı Kongazçık 2023-2024 üürenmäk yılı katılêr PROGRAMAYA ilerletmää gagauz dilini lafetmektä, yazmakta, üürenmektä... Bizim programanın adı «Gagauz dili – gagauz kulturasının sızıntısı hem koruyucusu!»
Programanın gerçeklenmesinä baalı kuruldu bir gözäl Görüş gagauz şairinnän Vasi Filiogluylan, angısının 75-ci yıldönümünü bu günnerdä bizim gagauz literaturamız nışannêêr. Utancak hem cömert peetçi havezlän kayıl oldu buluşmaa Kongazçık gimnaziyanın üürenicilerinnän. Görüşmäk geçti duygulu hem meraklı. Sırayı hazırladı gagauz dili hem literatura üüredicisi Patraşko Stepanida K. Peetçinin yaratmalarına görä kuruldu bir gözäl literatura kompoziţiyası, angısını üüredici şiirlerin temalarına böldü. Kimi şiirlerä teatrulu göstermäk kuruldu, avtorun türkülerini çaldılar.
Görüşün ikinci payında Vasi Filioglu okudu uşaklara kendi şiirlerini. Mayıl olduk, ani avtor onnarı hepsini aklında tutêr. Bitki eni şiirlerini peetçi kendi tefterindän okudu, da biz pek kısmetliyis, ani onnara ilkinki sesleyici olduk. Görüşün bitkisindä avtor baaşladı hepsinä üürenicilerä kendi eni kiyadını, uşakların yanında imzalayıp onu. «Hoş buluştuk» adı Filioglunun kiyadı, biz ta bütün ürektän var nicä söleyelim , ani hoş buluştuk paalı şairlän.
