Atılma dilindän halkım,
Bän diz çöküp ta , yalvarěrım !
Bizim şkolamız katıldı olaylara, angıları geçer bütün Gagauziyada.Büün, aprelin onbeşindä bizim üürenicilär tanıştılar, halizdän gördülär T.Marinogluyu.Annattılar onun yaratmalarından türlü şiirlär, gösterdilär türlü sțenkalar onun annatmalarından, çaldılar onun türküsünü’’Mamu’’. Bizim baş neetimiz – ilerletmää gagauz dilini, neçin ki o bizim ana dilimiz, o pek gözäl, şıralı, yalpak, sıcak hem pek paalı bizä deyni. Biz lääzım koruyalım ana dilimizi, lafedelim ana dilimizdä, zenginnedelim hem ilerledelim ana dilimizi. ’’Yok büüyüm köksüz, ölä da yok adam dilsiz.’’
