Патриотическая линейка .
Lineykanın teması:’’Dil-Halkın canı’’
Saygılı Gagauzlar, kutlêêrız hepsini yortuylan- AnaDilimizinnän hem duuma gününnän Mahayıl Çakirin! Dileeriz hepsinä saalık, uygunnuk, usluluk hem bir keret bilä unutmayalım kendi Ana Dilimizi.Salt onunnan biz insanız!
Büün biz lineykada taa bir kerä gösterdik üürenicilerä: ani dilsiz adam yok, nica dünnää şavksız. Ana Dili – o insana büük baaşış Allahtan, angısı ona taa duumasından verili.
Herbir insanın büük borcu korumaa Ana Dilini, sevmää Ana Dilini, üürenmää Ana Dilini. Millet var ozaman, açan Var, Yaşêêr hem ilerleer onun Ana Dili. Dili kestiynän, köklär kuruyêr.
Çok yıl çalışmış aydınnatmak tarlasında Mihayıl Çakir, ani ki herbir gagauz başka halklar arasında deyäbilsin:’’Bizim da var dilimiz,kulturamız, istoriyamız’’.
Bu şannı adama biz lääzım baş iildelim, sevineräk: ani 164 yıl geeri onu bizä Allaa yollamış.
Gagauz dili varsa – var gagauzluk ta.
Biz kısmetliyiz, ani duuduk bu ayozlu erdä, angısının adı Bucak!
Biz kısmetliyiz, ani geniş ürekli hem girgin halkın birisiyiz!
Biz kısmetliyiz, ani biz uslu, çalışkan hem serbest gagauzların ooluyuz!
Biz kısmetliyiz, ani biz dä gagauz!
